Presentación
A Concellaría de Cultura ten a súa sede nas oficinas situadas no primeiro andar do Pazo da Cultura. Este departamento fomenta ao longo de todo o ano diversas actividades orientadas a todos os públicos. Figuran entre elas a música, o teatro, a animación infantil, exposicións, visitas, conferencias, sesións de contacontos ou a proxección de filmes, entre outras. Esta programación cultural estrutúrase ao redor de programas que están relacionados, na súa maioría, con épocas concretas do ano.
O Concello de Carballo está integrado en diversas redes e circuítos de programación doutras administracións e entidades, como a Rede Galega de Teatros e Auditorios de Galicia (Agadic) ou a Rede Cultural da Deputación da Coruña.
INFORMACIÓN CULTURAL
Os interesados e interesadas en recibir información a domicilio sobre a programación cultural do Concello de Carballo poden cubrir o Impreso de solicitude que se pode descargar nesta mesma sección e entregalo nas Oficinas de Cultura.