25 DE XULLO

Declaración da Alcaldía con motivo do Día da Patria

Venres 22 de xullo do 2005

Milleiros de lábios foron tecendo no tempo a verba que nos identifica, e foron os canteiros, os alvaneis, os ferreiros e os mareantes pondo pedra a pedra, día a día, todo aquello que nos conmove e que chamamos Galiza.

Saiu o semeador e froitificou logo a súa colleita. Viñeron os alárbios a nos devorar o pan e viñeron os túzaros a encader o noso espírito e aproveitaren o noso esforzo.

Hoxe temos a Pátria por celebrar. Milleiros de mans novas, milleiros de voces, milleiros de corazóns como bandeiras, reclaman unha Galiza aberta e sen fronteiras, dona de seu, co seu lugar no mundo.

O que boga no mar, o que labourea na cortiña, aquel que escreve, aquel que canta, quen pon o lombo na tarefa e quen pon o sentido no que pensa, un a un van facendo, restaurando, sandando o antigo solar, malferido das bestas.

É un labor calado, silandeiro, preciso. Neste dia en que se aviva máis o sentimento estamos convocados para que cada quen poña neste traballo todo o empeño e toda a valentía. O Día da Patria Santiago é o encontro.

Carballo 25 de xullo de 2005
DIA DA PATRIA

Asdo.: Evéncio Ferrero Rodríguez
Alcalde de Carballo
* Texto de Antón Avilés de Taramancos. In memoriam.