Cultura

FIOT: "La crazy class" coa compañía valenciana LOm Imprebís

Domingo 16 de outubro do 2016 Pazo da Cultura - 21.00 h.

La Crazy Class

Unha ama de casa, un militar, unha bailarina, unha enfermeira, un rapaz tímido,… doce persoas acoden a unha tola e maxistral clase de teatro.Atoparanse con Cyrano de Bergerac, La vida es sueño, Tres hermanas, Romeo e Julieta ou Hamlet e nós asistiremos a un divertido e vertixinoso cóctel de historias e emocións que tamén ten como ingredientes o humor e o amor polo teatro e no que este se funde coa vida, coa necesidade humana de poder ser outros para sobrevivir.

L'Om-Imprebís regresa aniversario do FIOT coa súa última produción, creada a partir do xénero do que son pioneiros en España, a improvisación, a creación en vivo dentro do teatro, aínda que nesta ocasión nada se improvisa.

Estrea en Galicia. No Pazo da Cultura a partir das 21.00 h. Duración aproximada do espectáculo, 75 minutos. Entrada: 7 euros.