.jpg)
Colectivo Glovo inaugura Primavera enDanza con "EM-NA"
Venres 22 de abril do 2022 21.00 horas - Pazo da Cultura
EM-NA baséase na idea da vibración coma elemento manipulador. É unha investigación sobre a “acústica subcutánea” a través da vibración e do silencio resultante no corpo do outro. A relación entre os intérpretes pasa por diferentes estados: comprimindo, estirando, cambiando o ritmo da súa propia vibración. A peza busca entretecer a orde, o caos, a pasividade e o eco da mente proxectado no corpo cambiante. Con forte presenza do mundo e espírito xaponés créase unha estética chea de detalles significativos e contundentes. Con EM-NA, o Colectivo Glovo afonda na nosa realidade animal, instintiva e intuitiva.
Creación e interpretación: Esther Latorre e Hugo Pereira.
Deseño de iluminación: Pedro Fresneda.
Espazo sonoro: Lucila Celano.
Vestiario: Jandro Villa.
Duración: 60 min
Público: adulto
Prezo da entrada: 3 € / 2 €
Espectáculo da Rede Galega de Teatros e Auditorios