Obradoiro do espectador de "Eroski Paraíso" co Grupo Chévere

Mércores 19 de outubro do 2016 Pazo da Cultura - 20.00 h. Cultura

Eroski Paraíso

O FIOT organiza un encontro do público cos creadores de Eroski Paraíso para coñecer o procedemento de creación do espectáculo, un proceso de investigación e conversas para documentar a realidade máis próxima e explorar a memoria colectiva, que despois se concreta no local de ensaio. Este método de creación artística é un dos sinais de identidade desta compañía e reflicte o seu compromiso social, político e cultural. Vén se queres mellorar a comprensión e o goce da obra de teatro. Adaptado a todos os niveis de coñecemento e a todo tipo de espectadores.

No Pazo da Cultura a partir das 20.00 horas, de balde.