Percorrido con Íntegro, a ONCE e Un paso máis para concienciar sobre as barreiras arquitectónicas
Martes 20 de setembro do 2016 Saída do Centro de Saúde - 11.00 h.
Representantes de Un paso máis, Íntegro e a ONCE convidan aos veciños e veciñas a participar nun percorrido a partir das 11.00 horas no que eles mesmos poderán experimentar o que é desprazarse polo centro de Carballo en cadeira de rodas ou cun anteface no que experimenten a experiencia de reducir a súa capacidade visual. A cita ten a súa saída no Centro de saúde de Carballo e percorre a rúa Vázquez de Parga ata a Valle Inclán. Quen queira, pode incorporarse tamén ao grupo na rúa Valle Inclán a partir das 12.00 horas.
A cita está incluída nas actividades da I Semana Europea da Mobilidade.