Noites de cine no Xardín Municipal: Maléfica

Mércores 10 de agosto do 2016 Xardín Municipal - 22.00 h. Cultura

As noites de cine do Verán Cultural chegan á capital municipal coa proxección da película Maléfica, protagonizada por Angelina Jolie e Elle Fanning. Maléfica é unha bela fada cun corazón puro e unhas asombrosas ás negras. Crece nunha contorna idílica, un apracible reino no bosque limítrofe co mundo dos homes, ata que un día un exército de invasores humanos ameaza a harmonía do seu país e o corazón de Maléfica convértese en pedra. A película está recomendada para maiores de 7 anos e conta cunha duración aproximada de 98 minutos.

A cita, a partir das 22.00 horas no Xardín Municipal, conta coa colaboración da Deputación da Coruña.