Acto de entrega dos premios de Carballés, Bergantiñán e Galego do ano 2015

Venres 27 de maio do 2016 Casa do Concello - 20.00h.

Parte do Equipo de Transplantes do CHUAC

A Casa do Concello acolle a partir das 20.00 horas o acto de entrega dos premios de Carballés Bergantiñán e Galego do ano 2015 que concede cada ano o Padroado Fogar de Bergantiños. Este ano as persoas ou entidades distinguidas son as seguintes:

• Carballés do ano: Chocolates Mariño. Fundada no ano 1927 por D. José Mariño Pensado, é unha das poucas empresas en toda España que continúa a día de hoxe co proceso de elaboración tradicional do chocolate.
• Bergantiñán do ano: Ex aequo Xelucho Abella, Senda Nova e Asociación de Loita contra o Cancro de Bergantiños. O primeiro é un referente no ensino e na cultura da nosa Comarca; a segunda é unha entidade que ten como obxectivos principais a protección e posta en valor do patrimonio ambiental, cultural e paisaxístico; e a terceira é unha asociación que desenvolve desde hai anos na nosa Comarca unha gran labor social de concienciación, axuda e recadación de fondos.
• Galego do ano: Equipo de Transplantes do CHUAC. Bateu en 2015 o seu propio récord de transplantes, destacando o incremento nos caso dos de pulmón.