Carballo doa 32 toneladas de roupa a Humana no primeiro semestre do ano para darlle un fin social

As doazóns aumentaron un 15,56% con respecto ao mesmo período do ano pasado e evitaron as emisións de 103 toneladas de CO2

Sábado 15 de xullo do 2017

Humana ten instalados 14 contedores en Carballo

Humana Fundación Pobo para Pobo, que desde 1987 promove a protección do medio ambiente a través da reutilización de téxtil e leva a cabo programas de cooperación en África, América Latina e Asia así como de apoio local en España, recolleu 32.649 kg de téxtil usado en Carballo durante o primeiro semestre do ano. Esta cifra confirma a tendencia á alza da reutilización do residuo téxtil, a fracción recollida selectivamente con máis potencial de aproveitamento, por encima do vidro, o papel ou o plástico. As doazóns representan un aumento do 15,56% respecto ao mesmo período do ano anterior (28.254 kg).

Humana ten instalados 14 colectores onde a cidadanía deposita a roupa, o calzado, os complementos e o téxtil de fogar que xa non utilizan e aos que Humana dá unha segunda vida. O servizo de recollida do téxtil é gratuíto e representa un aforro importante nos gastos de recollida e eliminación de residuos sólidos urbanos. A Fundación traballa día a día para que a recollida selectiva de roupa usada e a súa preparación para a reutilización consolídense como parte fundamental da xestión de residuos.

As 32 toneladas recollidas no primeiro semestre representan un aforro de 103 toneladas de CO2 á atmosfera, cousa que o planeta agradece

O responsable da área de Recollida de Humana en Galicia, Gustavo Pampín, explica: "Cada vez que reciclamos e reutilizamos contribuímos a protexer o medio ambiente. Promovemos a economía circular, reducimos as emisións de gases de efecto invernadoiro que agravan o cambio climático e creamos postos de traballo. Todo iso é posible grazas ao esforzo que concellos, empresas e entidades como a nosa fan para dotar á roupa dun fin social e impulsar proxectos sociais".El responsable del área de Recogida de Humana en Galicia, Gustavo Pampín, explica: “Cada vez que reciclamos y reutilizamos contribuimos a proteger el medio ambiente. Promovemos la economía circular, reducimos las emisiones de gases de efecto invernadero que agravan el cambio climático y creamos puestos de trabajo. Todo ello es posible gracias al esfuerzo que ayuntamientos, empresas y entidades como la nuestra hacen para dotar a la ropa de un fin social e impulsar proyectos sociales”.

Xerarquía de xesión dos residuos

As pezas depositadas nos colectores de Humana teñen dous destinos: ao redor do 60% trátase nas plantas de clasificación da Fundación (tres: en Madrid, Barcelona e Selecta) e o resto véndese a empresas de reciclaxe. O material tratado nas plantas distribúese da seguinte maneira:

• O 62% da roupa clasificada prepárase para a reutilización: o 13% destínase ás tendas secondhand que Humana ten en España e o 49% corresponde a calidade África, e véndese a prezos de mercado para xerar recursos para a cooperación ao desenvolvemento.
• O 28% atópase nun estado que non permite a súa reutilización polo que se vende a empresas de reciclaxe téxtil. 
• O 6% é material destinado a Combustible Derivado de Residuo (CDR) coa axuda de empresas especializadas.
• O 4% envíase a un centro de tratamento de residuos para a súa disposición final porque está composto por produtos que non se poden reutilizar, nin reciclar nin valorizar enerxeticamente.

Ligazóns