Deporte

Deporte

Oficinas Carballo Deporte
Rúa Vila de Corcubión, s/n
15100 - Carballo
Teléfono: 981 702 109 Ext 1
carballodeporte@carballo.gal

Volve a 10K Carballo con importantes novidades e máis premios

Domingo 16 de xuño do 2019 10:30 horas - Rúas de Carballo

Volve a 10K! A Carreira Popular Concello de Carballo regresará con importantes novidades para cumprir a súa novena edición e consolidarse como unha das mellores citas do Circuíto de Carreiras Populares Deputación da Coruña. Constará de tres probas: a 10K Carballo, oficial da FGA sobre unha distancia homologada de 10.000 metros, e puntuable nas categorías absolutas sub 20, sub 23, sénior e máster; a competición das categorías menores sub 18, sub 14, sub 12 e sub 10, tamén puntuables para o circuíto da Deputación; e as carreiras dos grupos de idade pitufos e biberón, non puntuables.

Unha das novidades é o adiantamento ás 10.30 horas da proba sénior, a primeira en disputarse. Ademais haberá trofeos para o 1º, 2º, 3º clasificados masculino e feminino de cada unha das categorías no 10K así como nas sub 18, sub 16, sub 14, sub 12 e sub 10. En sub 20, sub 23 e sénior contemplaranse como única no que aos trofeos se refire. Tamén se premiará ao primeiro carballés e carballesa clasificados, ao corredor de maior idade, ao récord da proba, ao primeiro equipo clasificado e á entidade con máis participantes. Non vos perdades esta cita co deporte!




Compartir: