Cultura

Cultura

- 2024 +
- Marzo +
L
M
M
X
V
S
D
 
 
 
 
18
19
20
21
22
23
24
25
26
27
28
29
30
31


[Pazo da Cultura]
Rúa do Pan, s/n 
15100 - Carballo
Teléfono: 981 704 300 
Fax: 981 704 302
cultura@carballo.gal

Chega a Carballo o Entroido máis bravo!

O xabaril que se fixo famoso nas redes sociais polo seu paseo pola Praza de Galicia protagoniza o cartel deste ano

Mércores 8 de febreiro do 2023

Marcos Trigo e Evencio Ferrero presentaron o cartel do Entroido na Praza de Galicia

Marcos Trigo e Evencio Ferrero presentaron o cartel do Entroido na Praza de Galicia

Prepárate para un Entroido salvaxe! Carballo métese de cheo nas celebracións máis divertidas e satíricas para sacarlles punta a algúns dos acontecementos que levamos vividos nos últimos meses, dende a polémica tala dun chorón no adro da capela da Milagrosa ata o paseo viral dun xabaril pola céntrica Praza de Galicia hai menos dun mes. Foi tanta a súa repercusión que, grazas á creatividade de Gende Estudio, o porco bravo convértese no protagonista do cartel presentado hoxe polo alcalde, Evencio Ferrero, e o concelleiro de Cultura, Marcos Trigo, no mesmo lugar no que a cámara captou a carreira do animal.

A presentación de cartel coincide, ademais, coa apertura do prazo de inscrición para participar no Desfile e concurso de disfraces, comparsas e carrozas, que volverá o domingo 19, despois de dous anos de ausencia, con máis ganas e máis premios: 8.000 euros.

Como é habitual, o programa de Entroido inclúe non só as propostas da área de Cultura senón tamén as que levará a cabo o movemento asociativo en distintos puntos do concello, como é o caso da Festa re-nacemento do chorón no barrio da Milagrosa, a Festa de Entroido co dúo Élite en Sísamo, o Percorrido e Foliada de Entroido en Oza, o Baile de disfraces co trío Jaque e concurso de doces en Verdillo, ou o Festival musical Anos Oitenta co dúo Mar de Caión en Cances.

Do 17 ao 25 de febreiro levaremos a cabo diversas actividades especialmente pensadas para os máis pequenos, como os obradoiros de maquillaxe e tocados de Entroido que se celebrarán na Biblioteca Rego da Balsa, ou a Festa infantil con picadiscos, xogos e animación que celebraremos o luns 20 na Praza do Concello. E ademais teremos animación coas mellores charangas, Enterro da sardiña dinamizado por Teatro Vagalume e a verbena do domingo de Entroido na Praza do Concello amenizada pola orquestra Trébol.

Descarga máis abaixo o programa ao detalle.

Descargas

Compartir: