Cultura

Cantar de Cego para conmemorar a chegada do Pergamiño Vindel

Domingo 29 de outubro do 2017 A partir das 11 h - Praza do Concello e Campo da Feira

Desde o día 10 pode visitarse no Museo do Mar de Galicia, en Vigo, a exposición "Un tesouro en sete cantigas" para conmemorar a chegada do Pergamiño Vindel, o manuscrito que recolle as cantigas musicadas do trobador vigués Martin Códax. Para dar a coñecer a presenza do documento na nosa terra, a Universidade de Vigo está a realizar diferentes actividades que chegan a Carballo este domingo.

A partir das 11 horas, tanto na Praza do Concello como no Campo da Feira realizaranse un total de seis pases de 15 minutos de duración dun Cantar de Cego especialmente composto para a ocasión, interpretado polo regueifeiro Luís Correa "O Caruncho", no papel de cego, e Chus Iglesias, como lazarilla.