.jpg)
Ponte en cor: galería de arte na Milagrosa
Do venres 5 de agosto ata o sábado 10 de setembro do 2016 Barrio da Milagrosa - Horario comercial
.jpg "Ponte en cor")
Un dos escaparates de Ponte en cor
Por segundo ano consecutivo o barrio da Milagrosa transfórmase nunha orixinal galería de arte grazas a Ponte en Cor, unha proposta que une a hostaleiros, comerciantes e creadores e creadoras para promocionar o movemento artístico carballés. Nesta segunda edición -entre o 5 de agosto e o 10 de setembro- faise un traballo de fusión, aproveitando o escaparate como galería e mesturando os produtos propios do comercio coas distintas pinturas, esculturas, fotografías e pezas de Teresa Candal, Cristina Castro, Esther Chamoso, Chiña, Milagros Cotelo, Adriana Díaz, Isa Fernández, Mon Lendoiro, Tomás Luna, Santi Picos, Javier Rodríguez, Antonio Taracido e Jacobo Veiga.
Os locais e establecementos que participan en Ponte en cor 2016 son: Forum Cafetería, Fontanería Aran, Barbería, Bar Amsterdam, Todo Lar, Modas Eva, BR Pdoloxia, Gestoría Casal, Muebles Luis, Peluquería Isabel, Bar Bastian, Barreiro Zapateiro, Casa Francisco, Calzados Arijon, Vainica, Estanco A Milagrosa, Hidro Heccar, Hostelber, Rodriguez Zapateros, Amar Moda e Centro de Masajes Luisa Rabuñal.