.jpg)
DA.TE DANZA chega dende Granada co espectáculo familiar "Natanam"
Domingo 8 de maio do 2022 18.00 horas - Pazo da Cultura
Cada persoa brilla con luz propia entre tódalas demais. Nesta peza vemos dous amigos que se atopan nunha sala de xogos. Descobren que hai auga, lume, vento e terra ordenados e a súa disposición. Un espazo de xogos pode ser unha praia, un deserto, pode ser o mar. E tamén... cando estamos sós, pode ser moitos mundos.
Natanam significa danza en sánscrito, e ese é o punto de partida, darlle aos máis pequenos un espazo e un tempo de sensacións a partir da pureza da danza, elemento fundamental para abordar a educación emocional.
Tras máis de 20 anos creando e con 25 espectáculos estreados e dirixidos a público familiar, a compañía DA.TE Danza tráenos Natanam, Premio Feten 2021 ao Acercamento da Danza á Primeira Infancia.
Dirección e coreografía: Omar Meza.
Dramaturxia: Lola Fernández.
Elenco: Raúl Durán e Mª José Casado.
Deseño de iluminación: Aitor Palomo.
Composición musical: Jesús Fernández e David Campodarve.
Vestiario: Laura león.
Duración: 40 min
Público: A partir de 2 anos
Prezo da entrada: 4 € / 3 €
Espectáculo da Rede Galega de Teatros e Auditorios