Inscríbete do 20 ao 31 de maio para as probas de acceso ao 1º curso de grao elemental ou grao profesional no CMUS
Consulta aquí a oferta de vacantes e toda a información sobre o proceso de acceso
Xoves 2 de maio do 2019
Entre o 20 e o 31 de maio estará aberto o prazo para formalizar a inscrición, e a liquidación das taxas correspondentes, para as probas de acceso ao primeiro curso tanto de grao elemental coma de grao profesional no Conservatorio Municipal de Música de Carballo (CMUS).
O 14 de xuño celebraranse as probas instrumentais para o acceso a 1º de grao profesional, mentres que e o 17 de xuño terán lugar as de linguaxe musical para 1º de grao profesional e de acceso a 1º de grao elemental. Os resultados faranse públicos o 18 de xuño, e o 19 de xuño celebrarase a reunión para escoller instrumento.
O alumnado que obteña praza deberá formalizar a matrícula entre o 1 e o 12 de xullo, xunto co resto do alumnado que superou o curso.
Nos documentos adxuntos poden consultarse a oferta provisional de prazas e a información de acceso tanto a grao elemental coma a grao profesional.