"Bionic", da compañía Entremáns, pecha Primavera enDanza
Sábado 29 de abril do 2023 20.30 horas - Pazo da Cultura
Estaremos supeditados quizais á xerarquía da tecnoloxía? A e B compleméntanse, un tándem con mecanismos sólidos e funcionais, por momentos defectuosos. C é unha especie de software vivente que compón e descompón.
Neste encontro que nos propón a compañía galega Entremáns no espectáculo Bionic, o biolóxico e o artificial comparten territorio sen quebrantar a capacidade humana de sentir. O corpo convértese nun colector de vivencias, que desexa preservarse ante o inminente paso do tempo.
A compañía Entremans defínese polo seu traballo corporal expresivo e rítmico, cunha poética propia. Os seus creadores leva máis de trinta anos bailando e para eles o movemento revela o noso inconsciente desde o corpo.
- Dirección, creación e interpretación: Armando Martén e Ana Beatriz Pérez.
- Espazo escénico: Suso Montero
- Iluminación: Octavio Mas.
- Espazo sonoro e intervención: Ismael Berdei.
- Ollo externo: Rut Balbís
Espectáculo da Rede Galega de Teatros e Auditorios.
- Duración: 50 min
- Público: adulto
- Prezo da entrada: 4 € / 3 €