O Toque Xiria organiza o III Aberto de Xadrez Clásico Concello de Carballo
Do venres 6 de decembro ata o domingo 8 de decembro do 2019 Todo o día - Espazo Xove Deporte
O III Aberto de Xadrez Clásico converterá ao noso concello na capital galega do xadrez durante a ponte da Constitución. A competición, organizada polo club O Toque Xiria co patrocinio do Concello de Carballo e a Deputación da Coruña, reunirá os días 6, 7 e 8 na nosa vila á elite do xadrez galego e mesmo a xadrecistas de referencia no norte do Estado.
O torneo celebrarase no Espazo Xove, situado na rúa Valle Inclán, e constará de seis rondas con partidas de 90’+30’’. En total repartiranse 1.500 euros en premios.
Organiza: Club de xadrez O Toque Xiria
Patrocinan: Concello de Carballo e Deputación da Coruña