"Teatro ó cubo" pechará os Venres Culturais cun espectáculo infantil sobre a natureza

Domingo 31 de marzo do 2019 18:00 horas - Pazo da Cultura Cultura

A programación dos Venres Culturais chega á súa fin cun espectáculo teatral de excepción dirixido ao público infantil e familiar. O broche final porao a compañía Teatro ó Cubo coa representación de "Nube nube sol", unha posta en escena cargada de xestualidade, cancións e música en directo para achegar á primeira infancia a maxia dos ciclos da natureza e a importancia da choiva para que todo medre.

Sinopse: As nubes chegan. Chove. Sae o sol. A natureza esperta para encherse de cores. Ao amparo dos paraugas atoparemos agocho, bailaremos, cantaremos acompañados de pintorescos animais. 

Dirección e intérpretes: Sofía Espiñeira e Roberto Casal / Escenografía: Beatriz de Vega / Música orixinal: Brais das Hortas /Ilustración: Rosa Abeijón / Texto, canción e coreografía: Sofía Espiñeira.

Público: Nenos e nenas de 0 a 4 anos (Número de espectadores: 40 bebés acompañados de 40 adultos)
Entrada: 5 € / 4 €  (inclúe 1 entrada de bebé e outra de adulto)
Duración: 45 min
Organiza: Concellaría de Cultura

Rede Galega de Teatros e Auditorios